एकलव्य फाउंडेशनः एकता, सक्षमीकरण आणि सामाजिक विकासाची दिशा

आम्ही एकत्र आलोय, ते समाजासाठी !

आमच्याविषयी

एकलव्य फाउंडेशनः एकता, सक्षमीकरण आणि सामाजिक विकासाची दिशा

एकलव्य फाऊंडेशन : एकता, सक्षमीकरण आणि सामाजिक विकासाची दिशा
२०१७ साली दिवाळीच्या लक्ष्मीपूजनाच्या शुभमुहूर्तावर एकलव्य फाऊंडेशनची स्थापना झाली. लोणावळा (ता. मावळ, जि. पुणे) येथून सुरू झालेली ही संस्था आज समाजात एकतेचे प्रतीक आणि सामाजिक परिवर्तनाची प्रेरणा बनली आहे.
आमचे ध्येय म्हणजे :-
समाजातील जाती-धर्माच्या भिंती पाडून एकोप्याचे व समरसतेचे वातावरण निर्माण करणे.
युवक, महिला आणि वंचित घटकांना सक्षमीकरणाचा मार्ग दाखवणे.
शिक्षण, आरोग्य, पर्यावरण आणि सांस्कृतिक क्षेत्रात समाजोन्नतीसाठी उपक्रम राबवणे.
संस्थापक श्री. प्रविण महादू देशमुख (MBA HR) यांनी सामाजिक बांधिलकीतून ही संस्था उभारली. त्यांची प्रेरणा आणि दूरदृष्टीमुळे एकलव्य फाऊंडेशनने विविध क्षेत्रात काम करून समाजात सकारात्मक बदल घडवण्याचा संकल्प केला आहे.
आज एकलव्य फाऊंडेशन ही केवळ संस्था नाही, तर एक चळवळ आहे – एकतेची, विकासाची आणि नव्या पिढीला योग्य दिशा देण्याची.

Click Here

आमचा दृष्टीकोन

आमचा व्यापक दृष्टिकोन: आरोग्य, शिक्षण, रोजगार आणि महिला सक्षमीकरण

आमच्या फाउंडेशनचे ध्येय सर्वांगीण सामाजिक विकास साधणे हे आहे. “निरोगी व्यक्ती ते निरोगी समाज” या टॅगलाइनप्रमाणे आम्ही ग्रामीण व शहरी भागात आरोग्य शिबिरे, डिजिटल दवाखाने, तपासणी मोहीमा आणि स्वच्छता उपक्रम राबवून गुणवत्तापूर्ण व सुलभ आरोग्यसेवा प्रदान करतो. वेळेवर निदान आणि प्रतिबंधात्मक आरोग्यसेवेला विशेष महत्त्व दिले जाते.
रोजगार क्षेत्रात, “कौशल्य विकासातून आर्थिक स्वावलंबन” या भावनेने युवक, महिला आणि अल्पसंपन्न घटकांना कौशल्य प्रशिक्षण, करिअर मार्गदर्शन, रोजगार मेळावे व उद्योजकतेच्या संधी देऊन स्वावलंबी बनवले जाते.
शिक्षण क्षेत्रात, “ज्ञानातून भविष्य घडते” या तत्त्वानुसार ई-लर्निंग, शैक्षणिक सहाय्यता, विज्ञान प्रोत्साहन आणि शिक्षक प्रशिक्षणाद्वारे विद्यार्थ्यांचा सर्वांगीण विकास साधला जातो. गुणवत्तापूर्ण शिक्षणाची समान संधी उपलब्ध करून सामाजिक परिवर्तन घडवणे हे आमचे ध्येय आहे.
महिला सक्षमीकरणासाठी, “सबलीत स्त्री म्हणजे सबळ समाज” या विश्वासाने कौशल्य-विकास, आरोग्य तपासणी, कायदेशीर जागरूकता आणि नेतृत्व वाढविणारे उपक्रम राबवून महिलांना आत्मनिर्भर आणि निर्णयक्षम बनवले जाते.
या चारही क्षेत्रांत कार्य करून आम्ही समाजाच्या शाश्वत आणि सकारात्मक प्रगतीसाठी कटिबद्ध आहोत.

01.

— आमचे ध्येय

आमचे ध्येय म्हणजे समाजातील प्रत्येक व्यक्तीपर्यंत शिक्षण, आरोग्य, रोजगार आणि महिला सक्षमीकरणाच्या संधी समानतेने पोहोचवणे. ग्रामीण व शहरी भागातील गरजा ओळखून त्या भागांच्या सर्वांगीण विकासासाठी शाश्वत उपक्रम राबवणे हा आमचा उद्देश आहे. कौशल्यविकास, तंत्रज्ञानाचा वापर, जागरूकता मोहीमा आणि समुदायसहभाग यांद्वारे आम्ही लोकांना स्वावलंबी, सक्षम आणि आत्मविश्वासपूर्ण बनवू इच्छितो. आरोग्यदायी, सुशिक्षित आणि आर्थिकदृष्ट्या मजबूत समाज निर्माण करणे हेच आमचे प्रमुख ध्येय आहे.

02.

— आपले ध्येय-विजन

आमची दृष्टी म्हणजे समान संधी, सामाजिक न्याय आणि सर्वांगीण विकासावर आधारित एक आदर्श, प्रगत आणि सशक्त समाज घडवणे. प्रत्येक नागरिक निरोगी, सुशिक्षित, आर्थिकदृष्ट्या सक्षम आणि आत्मनिर्भर व्हावा, हीच आमची भविष्यातील दिशा आहे. गावोगाव सकारात्मक बदल होत जाऊन लोक स्वतःच्या क्षमतेवर उभे राहतील, महिलांना समान हक्क आणि संधी मिळतील, तरुणांना रोजगार उपलब्ध होईल आणि शिक्षण सर्वांसाठी सुलभ होईल, अशी समावेशक व प्रगतिशील भारताची निर्मिती करणे हे आमचे दीर्घकालीन विजन आहे.

03.

— आमची कहाणी

एकलव्य फाउंडेशनची कहाणी समाजातील असमानता दूर करून सर्वांना सक्षम करण्याच्या स्वप्नातून सुरू झाली. ग्रामीण भागातील अडचणी, महिलांची स्थिती, युवांच्या रोजगाराच्या मर्यादा आणि शिक्षणातील तफावत पाहून संस्थेचे संस्थापक श्री. प्रविण महादू देशमुख यांनी सकारात्मक बदल घडवण्याचा संकल्प केला. छोट्या उपक्रमांपासून सुरू झालेला प्रवास आज आरोग्य, शिक्षण, रोजगार आणि महिला सक्षमीकरण या क्षेत्रांमध्ये हजारो लोकांचे जीवन बदलणारा ठरला आहे. लोकसहभाग, तंत्रज्ञान आणि सेवाभाव यांच्या आधारे आम्ही “गाव बदलला की देश बदलतो” या विचाराला साकार रूप देत आहोत.